طريقة سهلة ومجربة لتخسيس 11كيلو حصريا

طريقة سهلة ومجربة لتخسيس 11كيلو حصريا
السلام عليكم ورحمة الله وبركاته
اليوم جايبه لكم موضوع مهم والكل يدور عليه دواره
الاوهو تخفيف الكرش والتنحيف بشهر واحد
اولا.كنت اعاني قبل الصيفيه من السمنه كان وزني تقريبآ 78
وكنت اتضايق لما اشوف نفسي بالمرايه والبس ملابسي القديمه بس ماكنت تقوسلي طبعا كله من السمنه وبعد هذا الحزن والضيق الي كان فيني قلت لازم ادور على حل قبل لايجي الصيف وانا بهذا الشكل المروع
طولت عليكم بس اعذروني
المهم دورت على طريقه للتخلص من السمنه بعدين وجدت الحل
الي هو اني قررت اعدل في نظامي اليومي من ناحيه الاكل اولا
1.بديت اكل اكلي المعتاد بس بنسب قليله جدأ
2.يوميآ مشي مده 1/2ساعه
3.وهو الاهم كنت اسوي لي شاي اعشاب مكون من زنجبيل ونعناع طبعآ اخضر وقشر رمان مطحون ربع ملعقه
اغلي الزنجبيل مده لاتتجاوز الدقيقه ثم احط عليه قشر الرمان واتركه يغلي معه كذلك اقل من دقيقه واخر شي احط النعناع
واطفي النار على طول واتركه مدة 15دقيقه او حتى يتخمر الشاي بعد كذا اشرب الشاي يكون افضل شربه بعد المشي
4.تمارين لشد البطن طبعآ البطن راح يترهل خلال هالفتره والافضل انك تسوين التمارين
5.شرب كوب شاي اخضر قبل النوم اي بعد العشاء ب1/2ساعه اوساعه
وبعد هذي الطريقه الحمد لله وزني استقر عند حد معين ولا عاد رجع زي اول نزلت على هالطريقه 11كيلو
واذا محد مصدقني يجرب ماراح يندم والي مانفعت معها هالطريقه امانه ماتدعي علي
اقسم بالله العظيم اني انا شخصيآ جربتها ومشيت عليها بشكل يومي لحد مارجع وزني زي ماكان عليه زمان
م\ن