رجيم جامد جدا هتكلى وتشبعى وتخسى 3 كيلو فى الاسبوع للدكتور ماجد زيتون

رجيم جامد جدا هتكلى وتشبعى وتخسى 3 كيلو فى الاسبوع للدكتور ماجد زيتون


اهلا بيكم معانا هقدملكم انهارده الاسبوع الاول فى الرجيم اللى كلنا هنتبعه باذن الله

اهم حاجة فى الرجيم ده هو الالتزام بمواعيد ثابته للاكل وكل ما كان الاكل فى مواعيد بدرى كل ماكانت النتايج احسن لان معدل الحرق بيكون اكبر

وطبعا مش محتاجين اقولكم ان اتباع نظام رجيم لازم نمشى عليه بالظبط يعنى مانقللش ابدا من اى حاجة يعنى مينفعش نستغنى عن اى وجبة زى الفطار مثلا لان ده بيقلل معدل الحرق وبردو مينفعش نلغى النشويات تماما من النظام الغذائى اللى هنتبعه
واكيد شرب المياه عنصر اساسى فى الرجيم
ميزة النظام ده انه متنوع جدا وغنى بكل العناصر الغذائية ومشبع جدا ولا يؤثر سلبا على الصحة او المزاج
هنبدأ مع بعض


الافطار من 9: 10 صباحا
1/2 رغيف بلدى او خبز رجيم ناشف او 2 توست رجيم
+
3 ملاعق فول كبيرة او 2 ملعقة جبنة قريش او بيضة مسلوقة
+
كوب لبن خالى الدسم او كوب زبادى او عصير برتقال او جريب فروت او ملعقة عسل
(للمرضعات فقط + حبة فاكهة)


بعد الفطار بساعتين ثمرة فاكهة


الغدا من 3 : 4 عصرا

سلطة (خيار+ طماطم+خس+جزر+جرجير او فجل)
+
2( قطعة لحم )او (ربع دجاحة بدون جلد ) او (سمكة مشوية ) او(2 بيضة مسلوقة) او (علبة تونة مصفاه من الزيت او مغسولة بالخل)
+
طبق خضار متوسط (ما عدا البطاطس و البسلة والقلقاس) بدون سمنة او زيت مع بصل وثوم وطماطم توابل وشوربة من البيت بدون دسم
+ربع رغيف بلدى او عيش سن صغير او توست رجيم او 3 ملاعق ارز او مكرونة او حبة بطاطس مسلوقة او مشويه
بعد الغدا بساعتين 1 ثمرة برتقال او تفاح او جوافة او يوسفى او كمثرى او موز صغير او شريحة بطيخ او 2 خوخ او 2 مشمش او 10فراولة او كوب عصير بدون سكر


العشا
كوب زبادى 200 جم
او 2 حبة فاكهة
او كوب زبادى صغير+ حبة فاكهة
او بيضة + توست رجيم
او 50 جم جبنة قريش +توست رجيم
او علبة تونة مصفاة من الزيت +طبق سلطة خضرا
او طبق شوربة خضار
+للمرضعات فقط كوب عصير او لبن خالى الدسم

بين كل وجبة 3 خيارات وجزرة