السبب فى السمنة ليس الاكل فقط

السبب فى السمنة ليس الاكل فقط


ايــــــــوة هو دة السبب فى السمنة وزيادة الوزن

هو دة السبب فى المعاناة اللى إحنا عايشنا فى التخلص من السمنة

هو دة السبب فى الصعود والهبوط فوق تحت الميزان طالع كل شوية ومش عاوز يثبت

ظلمنا الأكل وقولنا دة السبب

ظلمنا الكسل وقولنا دة السبب

ظلمنا نفسنا وقولنا دة السبب



لا مش هو دة السبب الحقيقى

السبب هو


النفسية أيوة هى

معظم اللى بيعانوا من السمنة مرهفين المشاعر وحساسين جدا ودة طبعهم


فأقل كلمة أو موقف أو شىء مزعج أو شخص يضايقك أو يزعلك أو أزمة أو فراغ وقتى أو عاطفى
أى شىء سلبى بيؤثر فورا على النفسية والحركة وأول حاجة بنفكر فيها ونطلع فيها همنا
هو الأكل
نفتح الثلاجة فورا وهم همه هم أو نطلب تيك أواى أو فسحة سريعة مع أصحابك لأقرب مطعم أو أو....
كنوع من التنفيس والترويح عن النفس من الكبت اللى فينا و الضغط او الفراغ او اى عارض سلبى

أنا بواجة نفسى معاكن وبتكلم بصوت عالى فكرت فى حل
أننا نواجة نفسنا ونطلع طاقتنا وغيظنا وضيقنا فى أى حاجة ماعدا الأكل
بالدعاء ...صلاة ركعتين ....بالقراءة .... بالتصفح على الانترنت...بمكالمة أحد الأصدقاء...بخروجة لأى مكان ماعدا المطعم ...بعمل خير أو زيارة أقرب دار أيتام بإى حاجة ماعدا الأكل.