رجيم سريع ومريح جدا وينزل كتير

رجيم سريع ومريح جدا وينزل كتير
اليومجيبالكوا نظام ريجيم تحفه ومجرب
قرايبى واصحابى مجربينه وجابوا عليه نتيجه هايله
اتمنى ان انتوا كمان تجيبوا معاه نتيجه كويسه
بس الاول احنا لازم نحط الاساسيات 
اللى هنمشى عليها على طول
1-3 وجبات يوميا لازم ناكل 3 وجبات منفوتش ولا وجبه
2-اول ما نصحى من النوم نحط معلقه عسل فى نص كوبايه ميه ونشربهم على غيار ريق على طول
3-تنظيم الوجبات يعنى يكون بين كل وجبه ووجبه من 4 الى 6 ساعات ومنزودش عن كده 
4-لازم نشرب من 6 الى 8 كوبايات ماء يوميا
5- ممنوع شرب الميه وسط الاكل نشرب بعد الاكل بنص ساعه
6-لازم نظبط مواعيد نومنا ويكون لينا وقت ثابت فى تناول الوجبات مش النهارده مثلا الساعه 2 وبكره الساعه 6 
عايزين جسمنا يتأقلم عشان يجيب معاكى نتيجه علطول
7-ناكل 10 عيدان بقدونس 3 مرات يوميا 
8-ممنوع ناكل ونام على طول ننام بعد الاكل بساعتين
9-مفيش اكل بين الوجبات ولو حبيتى تاكلى تبقى فاكهه او خضار يعنى خياره او طمطايه او خس



*************

نكتب بقى الرجيم
الإفطار:كوبايه عصير برتقال بالجزر+ 1 رغيف بلدى+صنف واحد(جبنه او فول من غير زيت ولا سمنه او بيضه مسلوقه)
ملحوووووووووظه: كوبايه عصير البرتقال بالجزر دى مهمه جدا بالذات فى بدايه الريجيم لانها بتنضف المعده كويس اوى وممكن فى اول يومين تلاته تحسى ان فى وجع بسيط اوى فى بطنك مش تقلقى مش بيكون الم جامد ولا حاجه وبتدخلى التواليت زياده شويه عن الاول بس متخافيش من حاجه كل ده بسبب انها بتنضف معدتك وده هيريحك اوى اووووووى بعد كده
**************
الغداء: 2 فاكهه+ سلطه( ثمره من كل نوع)+الاكل المتاح 
(الاكل المتاح يعنى تاكلى اللى انتى عايزاه كله بس اهم حاجه تاكلى الفاكهتين والسلطه)

**************

العشاء: زى الافطار - او يكون 2 فاكهه _ او علبه زبادى
م\ن